ಅಜ್ಜಿ ಎಂಬ ಭೂಗರ್ಭ

       ಅಜ್ಜಿ  ಎಂಬ ಭೂಗರ್ಭ

ಅಜ್ಜಿಯೆನ್ನುವ ಅಚ್ಚರಿ
ಆಗುವುದಿಲ್ಲ ಎಂದೆಂದಿಗು ಕಿರಿಕಿರಿ
ಅಜ್ಜಿ ಹೇಳಿದೆಲ್ಲಾ ಸರಿ
ಅವರೇ ನಮ್ಮ ಬಾಳಿನ ಬೆಳಕಿನ ಸಿರಿ

ಮಾಡುವುದಿಲ್ಲ ಆದೇಶ
ಆಗಿಹರು ನಮಗೆ ಆದರ್ಶ
ಅಜ್ಜಿಯೆನ್ನುವ ಎರಡಕ್ಷರದ ಪದ
ಬೆಳಗಿಸುತಿಹುದು ನಮ್ಮನ್ನು ಸದಾ

ಅವರ ಕಥೆಯ ಗಮ್ಮತ್ತು
ಕೂಡಿದೆ ಅದರಲಿ ಜ್ಞಾನದ ಸಂಪತ್ತು
ಹೇಳುವರು ಸದಾ ಕಿವಿ ಮಾತು
ಅದರೊಂದಿಗೆ ನೀಡುವರು ಸಿಹಿ ಮುತ್ತು

ಅಜ್ಜಿಯೆನ್ನುವ ತಂಪಾದ ಗಾಳಿ
ಬೀಸಿ ತರುವರು ಆನಂದದ ದಾಳಿ
ವಿವಿಧ ಖನಿಜಗಳನ್ನು ಹೊಂದಿದ
ಅಜ್ಜಿಎಂಬ ಭೂಗರ್ಭ
ಹೊಂದಿಲ್ಲ ಅವರು ಸ್ವಲ್ಪವಾದರು ಜಂಭ.